Þurrhreinsun er ágætis aðferð til að hreinsa teppi. Þessi aðferð hefur oft verið kölluð yfirborðsdjúphreinsun. Í nokkrum tegundum teppa er þurrhreinsun oft eini raunhæfi kosturinn. Lausar teppaflísar er t.d. oft hreinsaðar með þurrhreinsun sem og viðkvæmar mottur.
Kosturinn við þurrhreinsun er eins og nafnið gefur til kynna að þurrktíminn er enginn. Ókosturinn er hins vegar að aðferðin hentar illa á teppi/mottur þar sem mikil óhreinindi eru.
Þurrhreinsun er fullkominn þar sem tíðar viðhaldshreinsanir þurfa að eiga sér stað t.d. á hótelum, göngum bygginga og jafnvel í samgöngutækjum.
Þegar teppi er þurrhreinsað er oftast byrjað á að ryksuga teppið vel og fjarlægja öll laus óhreinindi. Síðan er teppið blettahreinsað og forúðað. Þar að eftir er sérstöku teppahreinsunarkorni stráð yfir teppið og það burstað ofan í teppið með sérstakri þurrhreinsivél. Í teppahreinsunarkorninu er ákveðinn raki sem dregur í sig í óhreinindi úr teppinu. Eftir að teppahreinsunarkornið hefur dregið til sín óhreinindin er kornið sjálft látið þorna og að lokum er það ryksugað upp með öflugum ryksugum með burstum.
Þurrteppahreinsun er fullkomnlega umhverfisvæn hreinsiaðferð.
Frábær kostur fyrir ýmsar tegundir af húsnæði og starfsemi.